Քուվեյթում ՀՀ դեսպանության հայտարարություն կորոնավիրուսի (COVID-19) տարածման արդյունքում ստեղծված իրավիճակի կապակցությամբ

12 մարտի, 2020

Հարգելի´ հայրենակիցներ

Հաշվի առնելով մի շարք երկրներում կորոնավիրուսի (COVID-19) տարածման արդյունքում ստեղծված իրավիճակը և համաճարակային ռիսկերը՝ հորդորում ենք դեսպանության հյուպատոսական տիրույթում գտնվող ՀՀ քաղաքացիներին կանգնել հյուպատոսական հաշվառման կամ տրամադրել տեղեկություն իրենց գտնվելու վայրի վերաբերյալ՝ ուղարկելով տվյալները (անուն, ազգանուն, հայրանուն, ծննդյան ամսաթիվ, բնակության վայր /երկիր, մարզ, քաղաք/ և շուրջօրյա հասանելի բջջային հեռախոսահամար) ստորև նշված էլ-փոստի հասցեին։

Հիշեցնում ենք, որ հյուպատոսական հաշվառման կանգնելը կամավոր և անվճար գործընթաց է, որի նպատակն է ՀՀ քաղաքացիների իրավունքների և շահերի պաշտպանությունն ապահովելը, արտակարգ իրավիճակներում հնարավոր աջակցություն ցուցաբերելը, անհրաժեշտ խորհրդատվություն տրամադրելը։

Ստորև ներկայացնում ենք
          Հյուպատոսական հաշվառման ավտոմատացված համակարգի հղումը՝ https://www.mfa.am/hy/consular-registration/
          ՀՀ դեսպանության էլեկտրոնային փոստի հասցեն embassy.kuwait@mfa.am
          ՀՀ դեսպանության հեռախոսահամարը (թեժ գիծը) +965 253 22 175 / +965 90065454 / +965 98897418 (+37443333467 Viber/WhatsApp)
          Հարգանքով՝
          Քուվեյթում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր