Դեսպան Առաքելյանը Քուվեյթի ԱԳ նախարարին է հանձնել իր հավատարմագրերի պատճենը

13 հունվարի, 2025

Հունվարի 13-ին Քուվեյթում ՀՀ նորանշանակ դեսպան Արսեն Առաքելյանն իր հավատարմագրերի պատճենն է հանձնել Քուվեյթի արտաքին գործերի նախարար Աբդալլահ Ալի Ալ-Յահյային։

Շնորհավորելով դեսպան Առաքելյանին Քուվեյթում դիվանագիտական առաքելության մեկնարկի կապակցությամբ՝ Քուվեյթի արտաքին գործերի նախարարը նրան մաղթել է հաջողություն ու արդյունավետ պաշտոնավարում։

Դեսպան Առաքելյանը հաստատել է համատեղ հետաքրքրություն ներկայացնող ոլորտներում Քուվեյթի հետ համագործակցությունը զարգացնելու և խորացնելու Հայաստանի հաստատակամությունը։

Հանդիպմանն ընդգծվել են երկու երկրների և ժողովուրդների միջև առկա ջերմ բարեկամական հարաբերությունները, քննարկվել են երկկողմ օրակարգին, ինչպես նաև տարածաշրջանային և միջազգային վերջին զարգացումներին վերաբերող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր